Polítika Privasidade
Iha vigór dezde 29 de setembro de 2026
OjeTimor mak servisu ojek, taksi, no entrega hahan no sosa sasan iha Dili, Timor-Leste. Pájina ne esplika dadus saida mak ami rekolle, tanba sa, ba nebe, no saida mak Ita bele halo.se iha dadus nebe ami seidauk hamoos automatikamente, ami temi mós iha jagina ne'e.
1. Dadus saida mak ami rekolle
Depende ba Ita-nia papel iha aplikasaun.
user hotu iha ne'e
| Naran, telefone, email | Atu kria konta, no atu motorista no vendedór bele kontaktu Ita durante pedidu la'o hela. |
|---|---|
| Foto perfíl | Opsionál. Hatudu ba motorista ka vendedór iha Ita-nia pedidu. |
| Identidade aparellu | Naran aparellu no marka nebe aplikasaun kria, atu konta ida sai ativu iha aparellu ida de'it no atu rekoñese aparellu nebe Ita verifika ona. |
Pasajeiru no sosa-na'in
| Fatin | Lee dala ida bainhira Ita loke mapa ka halo pedidu. Fatin foti no destinasaun rai iha pedidu. Aplikasaun pasajeiru LA rekolle Ita-nia fatin beibeik no la lee bainhira aplikasaun taka. |
|---|---|
| Konteúdu pedidu, nota no koalia | Atu hala'o pedidu no rezolve keixa. |
| Saldu OjePay no istória transasaun; komprovativu tau saldu | Selu husi saldu no tau saldu, de'it bainhira OjeTimor loke servisu OjePay. Komprovativu rai iha fatin privadu. |
| Fatin bainhira Ita haruka relatóriu seguransa | Se Ita haruka durante viajen de'it: relatóriu ba ekipa OjeTimor ho Ita-nia fatin atu sira bele akompaña. Ne'e la'ós servisu emerjénsia; iha emerjénsia bolu polísia (112), ambulánsia (110) ka bombeiru (115). |
Motorista
| Fatin presizu, inklui bainhira aplikasaun ki'ik ka ekrán mate | Bainhira Ita ONLINE de'it. Ne'e mak halo pasajeiru bele haree Ita la'o iha mapa no haruka pedidu ba motorista besik liu. Ita-nia telemóvel hatudu katak lokalizasaun uza hela durante ne'e la'o, no hotu para bainhira Ita offline. |
|---|---|
| Rastu fatin durante viajen | Rejista kada segundu 10 durante viajen, atu rezolve disputa. Administradór de'it mak bele lee. |
| Kartaun identidade (KTP/BI), karta kondusaun (SIM) ho nia númeru no validade, sertifikadu inspesaun (KIR) no rejistu veíkulu (STNK) ho sira-nia númeru no validade, foto veíkulu, númeru kartaun eleitorál, foto kartaun família no foto-an | Atu verifika kapasidade kondús. Obrigatóriu tanba tipu servisu. |
| Naran banku, na'in konta, númeru konta | Hatudu ba kliente sira nebe selu Ita diretamente liu husi transferénsia, no atu selu Ita-nia saldu OjePay bainhira iha. |
| Númeru xapa no dadus veíkulu | Atu pasajeiru rekoñese veíkulu nebe mai foti. |
Vendedór
| Naran, telefone, foto loja no produtu, konta simu osan | Atu hatudu Ita-nia loja, no hatudu konta loja ba motorista nebe selu sasan diretamente ba Ita. |
|---|
2. Saida mak ami LA halo
- Ami la fa'an Ita-nia dadus ba ema ida.
- Ami la tau SDK reklama, analítika, atribuisaun ka relatóriu falla ami-nian rasik: laiha Google Analytics, Firebase Analytics, Crashlytics, Sentry, AdMob ka Facebook SDK. Komponente Google iha aplikasaun mak Google Maps, Google Sign-In no, iha Android de'it, leitór QR Google ML Kit; saida mak sira ida-idak simu, iha seksaun 3.
- Ami la fahe Ita-nia dadus ba reklama, no ami la tau analítika rasik. Dadus uzu, performansa no falla ne'ebé sai husi aplikasaun ba de'it Google, husi komponente Google ne'ebé temi iha seksaun 3, atu halo komponente sira-ne'e funsiona.
- Aplikasaun pasajeiru la rekolle fatin iha kotuk.
3. Dadus ba nebe
| Google Maps Platform | Testu buka no koordenada haruka ba buka fatin, troka koordenada ba enderesu, no kalkula rota. SDK Google Maps iha aplikasaun laran mós haruka ba Google identifikadór aparellu ida no dadus kona-ba uzu, dezempeñu no falla, ne'ebé Google uza atu hala'o no hadi'a nia mapa tuir nia polítika privasidade rasik. Ita-nia naran, númeru telefone no email la haruka ba Google Maps. |
|---|---|
| Google Sign-In | Se Ita hili tama ho Google. Google fó ami Ita-nia naran, email no foto perfíl. |
| Sign in with Apple | Se Ita hili tama ho Apple. Apple fó ami identifikadór ida ba Ita-nia Konta Apple ne'ebé la muda, ne'ebé ami uza de'it atu Ita bele tama; enderesu email ida; no, dala uluk Ita tama, Ita-nia naran. Naran no email ne'e sai Ita-nia konta nia naran no email, hanesan Ita hakerek rasik. Ita bele hili atu subar Ita-nia email loloos liu husi enderesu relé Apple nian ne'ebé haruka ami-nia email ba Ita. Ami nunka simu Ita-nia password Konta Apple. |
| Leitór QR: Google ML Kit iha Android, Apple Vision iha iPhone | Iha Android, biblioteka ML Kit husi Google lee kódigu iha Ita-nia telemóvel no haruka dadus tékniku aparellu no métrika dezempeñu ba Google bainhira leitór uza hela; la iha buat ne'ebé identifika Ita. Iha iPhone, leitór uza framework Vision husi Apple, ne'ebé lee kódigu iha telemóvel rasik no la uza servisu Google ida. |
| Servisu haruka email | Kódigu rejistu, tama, aparellu foun no liafuan-pase haruka ba Ita-nia email liuhosi fornesedór haruka email (SMTP), ne'ebé simu Ita-nia enderesu no mensajen ne'e. |
| Ligasaun Fahe Viajen | Se Ita fahe ligasaun viajen, ema ne'ebé kaer ligasaun ne'e bele haree Ita-nia naran, naran no foto motorista, pozisaun motorista, fatin foti no destinu to'o viajen remata ka ligasaun ekspira (másimu oras 6). |
| Servidór OjeTimor | Aleinde buat ne'ebé lista ne'e temi, buat hotu rai iha ami-nia servidór rasik, la'ós servisu terseiru. |
Servisu ida-idak ne'ebé temi iha seksaun ne'e simu de'it buat ne'ebé presiza ba objetivu ne'ebé hakerek iha nia sorin, no terseiru ne'ebé simu dadus utilizadór husi ami tenke proteje dadus ne'e ho protesaun hanesan ka ekivalente ho polítika ne'e.
Oinsá ami proteje: Buat hotu ne'ebé la'o entre aplikasaun no ami-nia servidór haruka ho enkriptasaun (HTTPS, TLS 1.2 ka foun liu). Ita-nia dadus rai iha ami-nia servidór rasik, password rai de'it hanesan hash ida-dalan, dokumentu identidade no prova pagamentu rai iha armazenamentu privadu ne'ebé la iha enderesu públiku, no baze dadus rasik verifika pedidu ida-idak tuir konta ne'ebé haruka.
Dadus mós haree husi ema nebe presiza atu hala'o pedidu: motorista haree Ita-nia naran, fatin foti no destinasaun; vendedór haree pedidu no enderesu entrega; administradór OjeTimor bele haree dadus pedidu atu trata keixa no fraude. Konversa pedidu, administradór loke de'it bainhira haree bloqueiu entre ema na'in-rua iha laran, ka denúnsia ne'ebé ida husi sira halo kona-ba konversa ne'e, no kada loke sei rejista.
Presiza hatene: pozisaun motorista ne'ebé online haree husi pasajeiru ne'ebé tama konta ona bainhira sira halo pedidu, tanba mapa tenke hatudu motorista besik. Pozisaun no naran motorista de'it mak haree.
4. Ami rai kleur hira
Dadus pedidu, transasaun no rejistu finanseiru rai to'o presiza ba kontabilidade no rezolve disputa.
Saida mak ami rekoñese: rastu fatin viajen no istória koalia seidauk iha hamoos automátiku, entaun sei rai to'o pedidu nebe sira pertense hasai. Ami hein hela atu define limite tempu ba rua. To'o ne'e, Ita bele husu hamoos liu husi enderesu iha seksaun 8.
5. Hamoos Ita-nia konta
Ita bele hamoos Ita-nia konta rasik iha aplikasaun laran: Konta → Seguransa Konta → Hamoos Konta. Loke pájina Hamoos Konta
Saida mak hamoos: Ita-nia naran, telefone, foto perfíl no email; naran, númeru no foto iha ita-nia istória pedidu; testu relatóriu apoiu; dispozitivu ne'ebé rekoñese; lista blokeiu. Konta taka no la bele uza tan. Pozisaun ikus motorista hamoos.
Saida mak rai nafatin: rejistu pedidu no transasaun ne'ebé remata ona, la ho ita-nia naran, númeru ka foto, mensajen chat pedidu, no rejistu relatóriu apoiu no relatóriu seguransa. Ami rai tanba obrigasaun kontabilidade no tanba rendimentu motorista ligadu ba ne'e. Arkivu foto perfíl tuan bele sei loke liuhusi ligasaun tuan to'o hamoos.
Hamoos rasik kedas la bele se sei iha pedidu la'o hela, saldu la zero, ka pedidu tau/hasai osan seidauk remata. Remata pedidu uluk; ba osan ne'ebé Ita la bele muda rasik, haruka pedidu hamoos konta iha ekran hanesan, no ami sei rezolve no taka konta.
Konta motorista no vendedór ligadu ho rejistu pagamentu nebe tenke verifika uluk, entaun taka liu husi pedidu: hili Hamoos Konta iha aplikasaun atu haruka pedidu. Ami taka konta iha loron 30 nia laran, depois rendimentu no pagamentu ne'ebé seidauk remata rezolve tiha ona, no konfirma liu husi email.
6. Permisaun nebe aplikasaun husu
| Fatin | Atu define fatin foti, no hatudu pozisaun motorista ba pasajeiru. |
|---|---|
| Fatin bainhira aplikasaun ki'ik (motorista) | Bainhira motorista online de'it, atu viajen kontinua akompaña ho ekrán mate. |
| Kamera | Atu skaneia kódigu QR pagamentu no, se Ita hili de'it, hasai foto: Ita-nia foto perfil, dokumentu no veíkulu motorista, foto loja no produtu, no prova transferénsia bainhira aplikasaun husu. Kámara ativu de'it bainhira Ita loke skaner ka ekrán foto. |
| Notifikasaun | Atu fó hatene pedidu tama, no fó hatene pasajeiru katak motorista to'o ona. |
| Vibrasaun | Akompaña notifikasaun pedidu no motorista to'o. |
| Rai ba galeria | Atu rai imajen QR pagamentu atu Ita-nia aplikasaun banku bele loke. |
7. Labarik
OjeTimor ba ema adultu tinan 18 ba leten de'it. Aplikasaun la halo verifikasaun tinan, no ami la rekolle dadus ho hatene husi ema tinan menus 18. Se Ita hatene ne'e akontese, hatete mai ami no ami sei hamoos.
8. Kontaktu ami
Pergunta, kópia Ita-nia dadus, ka pedidu hamoos: noreply@ojetimor.com
Se polítika ne muda, ami atualiza data iha leten no anúnsia buat importante iha aplikasaun laran.